Plenarios comarcais manifestación 8F

De cara á preparación da manifestación do 8 de febreiro estanse a convocar plenarios de Queremos Galego nas diferentes comarcas do país. Xa están confirmados os seguintes:

A CORUÑA

Día: 26 de xaneiro

Hora: 20.00

Lugar: Biblioteca da A. Veciñal de Monte Alto

OURENSE

Día: 27 de xaneiro

Hora: 20.00

Lugar: Liceo de Ourense

PONTEVEDRA

Día: 29 de xaneiro

Hora: 20.00

Lugar: Casa das Campás

 

VIGO

Día: 23 de xaneiro

Hora: 20.15

Lugar: Local da CIG (r/ Gregorio Espino 31)

 

BARBANZA

Día: 24 de xaneiro

Hora: 18.30

Lugar: Ateneo Valle-Inclán de Ribeira (entrada polo Bar Plaza)

 

O BARCO

Día: 29 de xaneiro

Hora: 20.00

Lugar: Multiusos do Barco de Valdeorras

 

LUGO

Día: 19 de xaneiro

Hora: 19.00

Lugar: Centro Social Maruxa Mallo (Carril das Hortas, rx s/n)

 

DEZA

Día: 15 de xaneiro

Hora: 20.30

Lugar: Lalín

Acto público: Por un compromiso real e efectivo co Plan Xeral de Normalización da Lingua Galega

eugalegoA Secretaría Xeral de Política Lingüísitica anunciou para a cuarta feira 22 de outubro ás 11h, buy un acto no Parlamento Galego para “conmemorar” os 10 anos do Plan Xeral de Normalización da Lingua Galega.
Que un goberno como o actual se atreva a celebrar os dez anos deste Plan, cando nos últimos cinco anos se dedicou a incumprilo abertamente e a desmontalo, é un acto de humillación a todas as persoas que defendemos a nosa lingua ao que Queremos Galego dará resposta.

Seguir lendo

QUEREMOS GALEGO VALORA COMO UN “EXITAZO” A MANIFESTACIÓN DO PASADO DOMINGO E ANUNCIA NOVAS ACCIÓN EN DEFENSA DO GALEGO

Carlos Callón: “A  enorme participación supón máis vento nas velas para continuarmos as mobilizacións en defensa da nosa lingua”

 A plataforma continúa a recoller sinaturas a favor do manifesto “Queremos galego na escola”, que xa foi asinado por persoeiros como Manuel Rivas, Luís Iglesia, Comba Campoy, Mónica Caamaño, Agustín Fernández Paz ou Xosé Lois “O Carrabouxo”

Rolda de imprensa 1-2-13

Rolda de imprensa 1-2-13

Santiago de Compostela, 1 de febreiro de 2013-. A plataforma cidadá Queremos Galego, composta por máis de 700 entidades sociais de todos os ámbitos, valorou hoxe a manifestación celebrada o pasado domingo 27 de xaneiro como un “exitazo da sociedade galega” a favor da súa lingua. Para a plataforma cidadá, o enorme apoio mostrado nas rúas de Compostela é unha mostra máis da ampla adhesión social á lingua galega, que se une ás masivas manifestacións dos últimos catro anos, que foron as maiores mobilizacións da historia de Galiza en defensa do seu idioma.

 “As mentiras de Núñez Feijóo teñen as pernas curtas”

A respecto do anuncio do goberno de Núñez Feijóo de recorrer ao Tribunal Supremo as sucesivas sentenzas do TSXG que deixan fóra da lei o núcleo central do mal chamado decreto do plurilingüismo, a plataforma sinala en primeiro lugar “como a mentira ten as pernas curtas”. Segundo declara o portavoz de Queremos Galego e presidente da Mesa pola Normalización Lingüística, Carlos Callón, “se Núñez Feijóo comezou dicindo que as sentenzas do TSXG lle daban a razón á Xunta, como é recorre unhas sentenzas que lle son favorábeis? É que nos toman por parvos?”

Ademais, segundo explica Callón, “é a primeira vez na historia da democracia, en todo o Estado español, que un goberno recorre aos tribunais en contra da súa propia lingua”. O portavoz de Queremos Galego tamén lembra que “o goberno de Núñez Feijóo vai malgastar diñeiro público nos tribunais en plena crise económica para atacar xustamente o que debería defender”. Ademais, salienta que “ataca o noso idioma, factor esencial da cohesión social, cando o precisamos tantísimo nestes tempos convulsos”.

A este malgasto de diñeiro público nos tribunais hai que lle sumar os millóns de euros que a Xunta queimou en libros de texto polo simple feito de estaren en galego e a intención do Goberno central de obrigar á Administración a pagar a educación privada do alumnado cuxos pais queiran garantir o suposto dereito á ignorancia na propia lingua, a través do proxecto de LOMCE, máis coñecida como Lei da Wertgoña.

Queremos Galego lembra tamén o estudo realizado pola Mesa pola Normalización Lingüística que sinala que nas cidades galegas o 95% da educación infantil se imparte exclusivamente en castelán, amparado polo decretazo contra o galego.

Calendario de mobilizacións

Despois do amplo respaldo social mostrado na manifestación do domingo, a plataforma cidadá continuará as accións en defensa do galego e está xa a traballar nun calendario de mobilizacións que inclúen a recollida de sinaturas a favor do manifesto Queremos Galego na Escola e actos en todas as comarcas de Galiza. Estas actividades culmirán coa convocatoria a toda a sociedade galega a participar o 17 de maio, precisamente o día no que se festexa o 150 aniversario da publicación de Cantares gallegos, primeiro libro escrito integramente en galego e que marca un fito “na recuperación da identidade de Galiza”.

O manifesto “Queremos galego na escola” conta xa con 4.500 sinaturas na súa adhesión en liña, que inclúen persoeiros destacados da cultura e sociedade galega, como a actriz Mónica Caamaño, a actriz e xornalista Comba Campoy, o escritor e crego Xaquín Campo Freire, a directora e dramaturga María Armesto, os escritores Antón Riveiro Coello, Agustín Fernández Paz, Paco Martín, Xesús Rábade Paredes, Xosé Lois García, Manuel Rivas, Lois Diéguez, as escritoras Helena Villar Janeiro e Marilar Aleixandre, o humorista Xosé Lois González, os músicos Magín Blanco, ou a cineasta Margarita Ledo. Este manifesto pódese descargar da web queremosgalego.org ou asinar on-line.